«ԱՄ-Էսկա»-ն զբաղվում է անվադողերի վերամշակմամբ, որի արդյունքում ստացվում է տեխնիկական ածխածին, դիզելային վառելիք և մետաղաջարդ
Ընկերությունը հիմնադրվել է 2014թ.-ին:
ՀՀ Կառավարության 667-Ա որոշմամբ մեզ տրվել է վտանգավոր թափոնների վերամշակման, վնասազերծման, պահպանման, փոխադրման և տեղադրման N11 լիցենզիան:
ԲԱՆԵՑՎԱԾ ԱՆՎԱԴՈՂԵՐԻ ՈՐՊԵՍ ԹԱՓՈՆ ԿԱՌԱՎԱՐՈՒՄ
Ոլորտը կանոնակարգվում է «Թափոնների մասին» ՀՀ օրենքով, որի հիմնական սկզբունքներից են թափոնների քանակի նվազեցման նպատակով նյութահումքային ռեսուրսների համալիր օգտագործումը. օգտահանման համար ոչ պիտանի թափոնների անվտանգ հեռացման ապահովումը:
Համաձայն «Թափոնների մասին» ՀՀ օրենքի այս թափոնները արգելվում է տեղադրել աղբավայրերում: Մեր իրականությունում պատկերը լրիվ այլ է. բանեցված անվադողերի զգալի մասն այրվում է ջերմոցներում, թաղվում է պոչամբարներում կամ ոչ արտոնված կարգով հայտնվում է աղբավայրերում:
Չկան արդյունաբերական թափոնների, մասնավորապես բանեցված անվադողերի տեղադրման մասնագիտացված պոլիգոններ:
Թափոնի կառավարումը լիովին բացակայում էր, մինչև «ԱՄ-Էսկայի» կողմից, սեփական նախաձեռնությամբ, Երևանում ու հարակից բնակավայրերում
անվադողերի հավաքագրում, պահեստավորում և վերամշակում կազմակերպելը:
ԲԱՆԵՑՎԱԾ ԱՆՎԱԴՈՂԵՐԻ ՀԱՎԱՔԱԳՐՄԱՆ ՄԵԽԱՆԻԶՄ ԵՎ ՓՈՒԼԵՐ
Հանրապետության տարածքում անվերահսկելիության պայմաններում առկա են մեծ քանակով բանեցված անվադողերի թափոններ, որոնք մասնավորապես գտնվում են՝
Տրանսպորտային և արդյունաբերական ձեռնարկությունների տարածքներում
ավտոտեխսպասարկման կենտրոններում
կոշտ կենցաղային թափոնների աղբավայրերում
Ավտոբեռնատարներով բանեցված անվադողերը մեր միջոցներով հավաքվում և տեղափոխվում են ընկերության տարածք, որտեղ տեսակավորվում և պահեստավորվում են: Հաշվի են առնվում անվադողերի կազմը և կառուցվածքը՝ հետագա վերամշակման եղանակի ընտրության համար: «ԱՄ-Էսկա»-ի մոտով է անցնում երկաթուղի և առկա է բեռնաթափման տերմինալ, ինչը հնարավորություն է տալիս մեծ քանակները տեղափոխել երկաթգծով:
